Boodskap van die hoofseun

Image4450web

Dit is vir my ‘n spesiale voorreg, asook ‘n eer om as hoofseun van Noordskool vir 2022 te dien. Dankie vir die vertroue wat julle in my gestel het met hierdie groot verantwoordelikheid. Ek beloof om altyd my beste te doen om Noordskool se naam hoog te hou en die waardes uit te leef.

Dit is regtig wonderlik om deel te wees van so merkwaardige skool. Ek is baie opgewonde om saam elke mede-leier en Norie-maat 2022 aan te pak. Ek weet as ons almal hande vat en as ‘n span saamwerk dat ons net vrugte sal pluk.

My gebed is dat 2022 een van Noordskool se beste jare sal wees. Mag dit ‘n geseënde jaar vol passie en trots wees en mag elke Norie floreer in sy / haar gebied. Mag elke personeellid in 2022 geseën wees met liefde, vreugde, wysheid, gesondheid en guns.

Ek moedig elke Norie aan om elke uitdaging van die jaar met selfversekering aan te pak, om ‘n verskil te maak waar jy is en mekaar met respek te behandel.

Mag elke Norie asook volgende jaar se nuwe Nories ‘n geseënde feesseisoen beleef en lekker rus. Reis veilig en maak gereed vir ‘n opwindende 2022.

“Maar die wat op die Here wag kry nuwe krag. Hulle vaar op met vleuels soos die arende. Hulle hardloop en word nie moeg nie, hulle loop en word nie uitgeput nie.” – Jesaja 40:31

Iwan Oosthuizen

Cool Ideas Logo 2021 web