Boodskap van die hoofdogter

Ek sien uit na die volgende jaar waarin ek my pragtige skool, Laerskool Noordskool, kan verteenwoordig as Hoofdogter.  Dit is vir my ‘n groot voorreg om julle Hoofmeisie te wees.

Ek is dankbaar vir my ons Hemelse Vader, my ouers, gesin en onderwysers wat my gehelp vorm het in die mens wat ek vandag is.

Dit is ‘n eer, en ek is trots om ‘n voorbeeld vir soveel kinders te kan  wees, en ek gaan jul verseker nie teleurstel nie.  Met my kop in die wolke, en my voete op die grond, pak ek 2024 aan.

Laerskool Krugersdorp Noord is ‘n skool met “HART”, met omgee en met ‘n liefde vir elke leerder in ons skool.

Mag ons, as die leerlingraad van 2024 trots die tradisies van ons skool kan uitleef. Mag ons weet waar ons krag vandaan kom, en nooit groter en belangriker probeer wees as ander nie.

Ons beplan lekker sokkies, sportbyeenkomste en natuurlik ondersteuning vir die akademie.

“Die lewe is soos ‘n kamera:

Fokus op dit wat belangrik is;

Vang die goeie tye vas;

Ontwikkel vanuit die negatiewe;

En as dinge nie uitwerk nie, probeer weer.”

Nories, mag 2024 vol verwagtinge en drome wees.

‘n Jaar vol nuwe geleenthede en passie wat ons elke dag as ‘n voorreg moet waardeer.

Mag 2024 die beste jaar NOG vir elkeen wees.

Ek wens julle ‘n Geseende Kersfees toe – Mag die Here julle veilig hou in hierdie feesseisoen.

Geniet die vakansie!

Wilmé Wilson

Cool Ideas Logo 2021 web